Eraikina

Apaizgaitegia, 1930. urteko irailaren 30an ireki zen, Mateo Mugica jn. gotzai zelarik.

1926. urtean, Fray Zacarias Martinez gotzai zelarik, Euskal probintzietan zegoen bokazio altuei aurre egiteko, Gasteizko Elizabarrutiko Apaizgaitegiaren eraikuntza hasi zen.

Eraikuntza Elvira Zulueta andrearen Fundazioak emandako laguntza, eta bere senarra zen Davila Kondea eta Icaza-ko Markesaren dohaintzei esker eraiki zen.

Apaizgaitegiaren arkitektoa Pedro de Asua eta Mendia apaiza izan zen. 10.437 m2 azalera baten, barrila itxurako oinarekin, bost pabilioi, soto, solairu nagusia eta hiru solairu gehiago eraiki ziren. Bost pabiloietan, 500 apaizgaitik gora zeuden, Latinoen, Filosofoen eta Teologoen pabilioien artean bananduta. Apaizgaitegiaren aurrekaldean, bisita gelak, Gotzaiaren gelak, Errektoretza, Harrera gela eta Liburutegia zeuden. Aurrekalde honen muturretan Kapera publikoa eta Areto Nagusia nabarmentzen ziren.

Atzekaldean, aurrekaldearekin parekide, beste pabilioi txikiago bat eraiki zen sukalde eta jantokiarentzako.
Pabiloien arteko ezberdintasunak, ez auzteko, komunikazio igargu zabalak eraiki ziren.

Elizbarrutiaren Artxibo Historiko-ko instalazioak

1990. urtean, Elizbarrutiaren Artxibo Historiko-ko instalazioak, Gasteizko Elizabarrutiaren Apaizgaitegian finkatu ziren. Ordurarte, Gotzai–egoitza zen Montehermoso Markesaren Jauregiko sotoetan zegoen kokatua.

Hasiera baten Artxiboa kokatua dagoen espazio hau, Apaizgaitegiko Areto Nagusiaren lokal lagungarri bezela sortu ziren. Elizbarrutiaren Artxibo Historiko-ko instalazio guztiak sartzeko, espazio hori birmoldatu eta bi solairutan banandu da.

Elizbarrutiaren Ondare dokumentalaren kontserbazioa dela eta, espazioaren birmoldaketaz gain, lan-sail ezberdinen egokitzea ere egin da. Egokitze hori, Artxiboko funtzioetara moldatuz, hau da, ahalik eta modu errealean egin da. Guzti honek, dokumentazioaren batzea, bere kontserbazioa, zaintza eta informazioaren zerbitzurako ditugun betebeharren antolakuntza egokia eragin du.

Artxiboko Zuzendaritzaren Bulegoa

Sarrera nagusia, Artxiboko lehen solairuan dago. Bertatik, bisitariak, Zuzendaritza Bulegora eta Irakur Gelara pasa daitezke.

Zuzendaritza Bulegora heltzean, erabiltzaile guztiak nortasuna agertarazi beharko dute. Bertan, Elizbarrutiko Artxibozainak eta gela laguntzaileak erabiltzaileen galdera ezberdinei erantzunak ematen saiatuko dira. Espazio horretan Irakur Gelaren funtzionamenduarekin kontaktuan jartzeko behar den informazio guztia jaso ahal izango da.

Irakur Gela

Gela honetan erabiltzaileak erabili ditzakeen deskribapen tresna guztiak aurkitzen dira.

Dokumentazioaren kontsulta, jatorrizko dokumentuen kontserbazio zaintzeko, mikrofilma irakurtzeko aparailuen bidez egin behar da. Gaur egun kudeaketa elektronikoko sistema berri bat lantzen ari gara. Sistema honek, kontsultak irudi digitalen bidez egitea ahalbideratuko du.

Mikrofilmak irakurtzeko aparailuen zenbakia mugatua denez, kontsulta dokumentalak egiteko, beharrezkoa da, aldez aurreko hitzordua eskatzea.

Horrez gain, erabiltzaileak, interesatzen zaizkion fotogramak, paperezko kopietan eskatzeko, irakur gelan, mikrofilma irakurtzeko eta kopiak egiten dituen aparailu bat dago.

Jatorrizko dokumentuen kontsultarako, AHDV-GEAH-an indarrean dagoen araudia jarraitzen da.

Erabiltzaileek liburutegi osagarri txiki batez gain, gelako arduradunaren laguntza izango dute edonolako zalantzak erantzuteko.

Dokumentuen Tratamendurako Saila

Bi aldetan banandua dago. Beheko solairuan, gordailuetatik hurbil, dokumentazioa hartu, antolatu eta bere kontserbaziorako ditugun espazioak daude.
Artxiboko lehenengo solairuan, unitate dokumentalen deskribapenean lanean ari den taldea kokatzen da. Euskal Autonomi Erkidegoko gobernuari esker, denbora laburrean, AHDV-GEAH-ko informazioa kontsultatzeko sarbide garrantzitsuena teknologi berrien bitartez izango da.

Artxiboko Gordailuak

Gordailuetarako sarrera zentruko langilegoari mugatua dago. 2002. urtean egindako berrantolaketa eta egokitze lanen ondoren, Artxiboko gordailuak mila metro lineal dokumentazio, bibliografia eta materiale bereziak zaintzeko prestatuak daude.

>Artxiboa eta bere Fondoak